أحلى ٥ أنواع قهوة تركي

القهوة التركي عشاقها في كل مكان، وتعتبر من أكتر أنواع القهوة انتشارًا في العالم العربي، ده غير فوايدها الصحية الكتيرة زي:

• تحسين مستوى الكوليسترول في الدم.
• وإنها غنية بمضادات الأكسدة.
• وفيها كافيين وهو من المواد المنبهة.
• وكمان بتساهم في تحسين الحالة المزاجية.
• وفي دراسات كتيرة أثبتت إنها بتعمل على خفض الوزن، لإن الكافيين بيزيد من سرعة الحرق.

وفي مقال النهارده نشارك عشاق القهوة بأحلى ٥ أنواع قهوة تركي ممكن يشربوها:

١- بن النجار:
المميز في بن النجار إن فيه من أول كيس الـ ٢٥ جرام لحد الكيلو، ده غير لو أنت بتحب القهوة المحوجة هتتفاجئ بكمية التحويجات المختلفة اللي بيوفرها زي: تحويجة خالص، تحويجة بالحبهان، تحويجة إكسترا، ده غير البن السادة، وأنواعه المختلفة من الأوريجينال للكولومبي للبرازيلي، وكمان بيوفر إسبرسو وقهوة بالبندق وقهوة عربي وأكتر من كده!

٢- بن شاهين:
بن شاهين دايمًا بيطور في منتجاته علشان كده هتلاقي كل فترة منتجات كتيرة ومختلفة.
غير إنهم مشهورين بالقهوة التركي إلا أن عندهم كمان قهوة كبسولات، وفلتر، وعربي، وفرنساوي، وفورية، وإسبريسو.

أحلى حاجة بقى عنده في المحوج هي تحويجة تريبيل المستكة والحبهان، وكمان توليفات القهوة زي:
– توليفة شرقي: ودي بتكون من حبوب أرابيكا وروبيستا.
– توليفة سبيسيال: دي بتبقى ١٠٠٪ حبوب أرابيكا.
– توليفة ميلانج: ١٠٠٪ حبوب أرابيكا جبلي.
– توليفة جراند: ١٠٠٪ حبوب أرابيكا جبلي مرتفع.

٣- بن أبو عوف:
من مميزات أبو عوف إن عنده قهوة بنكهات كتيرة زي: الكراميل، والبندق، والشوكولاتة، والفانيليا، واللوز، والكريز، والمانجو، والموز، والفراولة، والفستق. وقهوة عربي وفلتر وإسبريسو…
بس بعيدًا عن النكهات دي قهوة أبو عوف (بن برازيلي) من أحلى القهوة اللي ممكن تشربها، وخصوصًا المحوج منها.

٤-  بن العميد:
بن العميد من أحلى البن اللي ممكن تشربه، نكهتة قوية ومميزة، ومتوفر بأكتر من نوع سواء محوج أو سادة، وكمان توفر بـ٣ تحميصات مختلفة: فاتح – وسط – غامق.
ده غير إنه بيوفر قهوة بالكاكاو وقهوة تركي فرنساوي، وكمان قهوة أمريكان، وخلطة لبنانية بدون حبهان.
بن العميد بدأ في الأردن سنة ١٩٣٧، وانطلق بعد كده وبقى واحد من أفضل العلامات التجارية اللي بتقدم القهوة في الوطن العربي.

٥- بن محمد أفندي التركي:
قهوة محمد أفندي منشأها تركيا، وبترجع لسنة ١٧٨١، والمميز فيها قهوة نكهتها، عيبها إنها مش متوفرة في أماكن كتير وبتكون أغلى من القهوة المحلية شوية أو صعب نلاقيها بس طعمها من أروع القهوة اللي ممكن تشربها.