المطبخ المصري من أهم المطابخ اللي أثرت في الأكل العربي٬ طلعلنا أكلات مميزة كثير زي الكشري المصري والمحشي والفطير المشلتت .
بس فيه أطباق قربت تتنسي مع تطور العصور وتأثر المطبخ المصري بثقافات مختلفة٬ أكلات كانت مشهورة وأساسية في سفرة العيلة المصرية.
هنتعرف على شوية من الأطباق دي مع بعض.
١- الشلولو:
اسمه غريب بس كان طبق منتشر جدا في صعيد مصر، يشبه بشكل كبير الملوخية مع اختلاف بعض المكونات، طبق مليان
فيتامينات ويحتوي على كمية كبيرة من الثوم عشان كدة بيقوي المناعة وبيحمي من الفيروسات.
٢- الخبيزة:
الخبيزة من الأطباق اللي قليل يعرفها دلوقتي بس هي كانت مشهورة جداً في مصر زمان، هي عبارة عن نبات يشبه الملوخية في الشكل وطريقة التحضير وكانت بتتقدم مع العيش المحمص أو الأرز بالشعرية.
٣- العيش الشمسي:
واحدة من أبرز أنواع العيش المشهورة في صعيد مصر هي العيش الشمسي، واللي بيعود أصله لأيام الفراعنة، وبيتميز العيش
الشمسي بطعمه اللي بيتناغم مع أي نوع أكل بيتقدم معاه، وبشكله المميز الذي بيشبه الكيك الإسفنجي.
٤- الشركسية:
الشركسية من الأكلات اللي دخلت مصر وانتشرت بشكل كبير رغم أصلها التركي وبقت من أكثر المأكولات شعبية خصوصا
في شهر رمضان، وتعتبر الشركسية وجبة سهلة التحضير، وبتتميز بقيمتها الغذائية العالية.
٥- الويكة:
الويكة من بين الأطباق التقليدية التاريخية اللي اتنقلت عبر الأجيال في صعيد مصر، لأن تحضير الويكة عند أهل الصعيد والريف بيعتبر نوع من أنواع الفن، وبتتكون الويكة من البامية واللحمة والكزبرة والثوم، وبتتقدم مع الأرز الأبيض أو العيش الشامي.
