في أوقات كتير لما تفكر في بلد ما؛ أول حاجة بتيجي في دماغك هي أطباقها المحلية.
هتلاقي فيهم أكل مشهور جدًّا لدرجة إنه تجاوز حدود المحلية وتم تخصيص أيام أكل عالمية لتكريمه. وفي المقال ده جمعنا لك قائمة ببعض أيام الأكل العالمية اللذيذة من جميع أنحاء العالم.
دلع نفسك بالأكل واعرف مواعيده من المقال ده، وماتنساش إن دايمًا في سبب للاحتفال، خاصة لما يبقى الموضوع متعلق بالأكل!
في مقال النهارده هنتكلم عن أهم أيام الأكل العالمية في شهر أبريل.
يوم الجزر – ٤ أبريل:
يوم الجزر اتأسس عام 2003 وانتشر في جميع أنحاء العالم، بحلول سنة 2012، بقى احتفال عالمي في عدد من الدول وعد من القارات المختلفة، زي فرنسا والسويد وإيطاليا وروسيا واليابان وأستراليا والمملكة المتحدة.
الجزر أساس كتير من الوجبات، من اليخنة الغنية والمالحة للكعك والحلويات. وممكن يكون طبق جانبي على السفرة.
يوم فوندو الجبن – ١١ أبريل:
يعتبر Cheese Fondue Day وسيلة للاحتفال بالمزيج اللذيذ ده من الجبنة اللي بيتناسب كويس جدًّا مع العيش واللحوم والخضروات.
كان الفوندو موجود كمفهوم لمئات السنين، ولكن من المسلم به عمومًا إنه ظهر في سنة 1875 لما انتشرت الوصفة الأصلية. كان في طبق اسمه “الفوندو” ، لكنه كان ملخبط؛ علشان كان فيه بيض وأحيانًا الكمأ (الفقع – الترفاس) مخلوطين.
لكن الطبق الأحدث بيحتوي على المكونين اللي بنشوفهم النهارده، كان في مشكلة لإن الصلصة كانت بتفصل، وده اللي بيخلي الطبق ياخد وقت في التحضير، وبعد ما نشا الذرة انتشرت في سويسرا حوالي سنة 1905 اتحلت المشكلة!
ومع حل المشكلة دي بقى الناس يقدروا يغمسوا العيش فيه أو المخللات زي الخيار والثوم والبصل والزيتون وخضراوات تانية كمان.
بشكل عام، الفوندو بيتعمل على البوتجاز وبعدين بيدلق في حلة الفوندو نفسها وبتقدم بعد كده!
يوم عيش الكوسة – ٢٥ أبريل:
الكوسا اللي إحنا عارفينها اطورت جامد الفترة اللي فاتت.
في مكان ما في أواخر القرن التاسع عشر؛ في إيطاليا. (على الرغم من إن بعض المصادر بتقول إن الموضوع كان موجود في المكسيك من آلاف السنين قبل كده!) بدأت الكوسا رحلتها لأمريكا من خلال المهاجرين الإيطاليين وكمان لحتت تانية في العالم.
كتير من البلدان والثقافات عندها دلوقتي أطباق بيحبوا يعملوها وحتى يخبزوها بالكوسا، لإنها متعددة الاستخدامات.
نظرًا لإن الكوسة عبارة عن خضروات بتنمو بكثرة؛ فمن المنطقي إن يكون المزارعين دوروا على طرق لدمجها في كل حاجة. ومن المحتمل إن يكون خبز الكوسة طلع من ده في وقت ما في القرن التاسع عشر.
