في الفترة الأخيرة انتشرت فكرة الحليب النباتي، والحليب النباتي مناسب للناس اللي مابيقدروش يتحملوا اللاكتوز الموجود في الحليب الحيواني، والحليب النباتي بيحتوي على فوائد غذائية كبيرة، وكمان مابيحتويش على كوليسترول، كمان بيكون صحي وخفيف، وفيه كمية أقل من الأحماض الدهنية المشبعة، كمان في أنواع منه خالية من الجلوتين زي حليب الأرز، وفول الصويا والدُّخن.
فوايد الحليب النباتي:
في فوايد كتيرة للحليب النباتي، كمان سعراته الحرارية أقل مقارنة بحليب الأبقار.
وفيه دهون صحية بتساعد على خفض الكوليسترول وتعزيز صحة القلب والأوعية الدموية وبتساعد في إنقاص الوزن.
كمان مثالي للناس اللي عندهم مشاكل في الجهاز الهضمي، ده غير إنه بيكون غني بفيتامينات زي فيتامين E، وفيتامين D، وفيتامين B.
أفضل براندات الحليب النباتي:
١- لمار:
حليب لمار النباتي بيكون نباتي بالكامل بدون أي مشتقات حيوانية، والناس ممكن تشربه لوحده أو تستخدمه في الوصفات كبديل للألبان.
وفيه منه باللوز والشوفان، والشوفان باريستا لعشاق القهوة، واللي بيقدملك رغوة مثالية.
٢- جهينه:
ميزة الحليب النباتي من جهينة هو التنوع والجودة طبعًا، فهتلاقي منه حليب جوز هند، ولوز، وبندق، وشوفان وصويا..
وبنرشحلك منه حليب جوز الهند للقهوة.
٣- البرو:
متوفر منه نكهات متعددة زي الصويا والشوفان، واللوز، والكاجو كمان… بس أسعاره عالية حبتين، لكن طعمه مميز في القهوة خصوصًا حليب اللوز.
٤- سكوتي:
الخيارات في سكوتي مختلفة شوية عن الألبان التانية، فمثلًا في منه:
حليب لوز أوريجينال: وده بيبقى نباتي تمامًا، وخالي من الجلوتين وخالي من اللاكتوز.
حليب لوز غير محلى: وده بيكون خالي من الجلوتين ونباتي تمامًا بردو.
حليب شوفان باريستا: وده بيكون مخصص للقهوة علشان بيعمل فوم حلو.
شوفان كالسيوم زيادة: وده بتكون فيه نسبة الكالسيوم أكبر.
وبنرشحلكم منه الشوفان كالسيوم زيادة.
٥- رود هيلث:
فيه منه أنواع كتير، جزء منهم للقهوة وهو الباريستا، وجزء تاني للشرب، ونوع تالت وهو الألتميت.
ومعظمها نفس الأنواع بس مصممة علشان تناسب كل حاجة وتدي أفضل طعم.
والأنواع دي زي: الكاجو والشوفان والبندق وجوز الهند، واللوز الأصفر (الشوفا).
ميزة رود هيلث إنهم مابيستخدموش أي إضافات أو منكهات صناعية، والحليب بتاعهم طبيعي ١٠٠٪
