ممكن تكون قريت إن سويسرا أفضل دولة في تصنيع الشوكولاتة واللي مشهورة بيها، لكن في دول تانية أضافت كتير للشوكولاتة، ومشهورة بإنتاج معظم الأنواع اللي بنحبها، وفي المقال ده هنقولكم عن أفضل ٥ دول بتصنع الشوكولاتة:

١- بلجيكا:
ماينفعش تروح بلجيكا من غير ما تاكلوا شوكولاتة؛ علشان هناك في حوالي ٢٠٠٠ محل لبيع الشوكولاتة بس! وده بيخلي الشوكولاتة البلجيكية فريدة من نوعها، وهي بتكون مصنوعة يدويًّا بالكامل تقريبًا، وكمان رائحتها بتبقى مختلفة ودول اللي بيخلوا الشوكولاتة البلجيكية أغلى شوية.

٢- سويسرا:
لو حتى مازورتش سويسرا فأنت أكيد جربت شوكولاتة لندت، وهي أشهر علامة تجارية للشوكولاتة السويسرية، وهي منتشرة حول العالم، والمثير للاهتمام إن رغم  إن مناخ سويسرا ماينفش يتزرع فيه نباتات الكاكاو؛ إلا إنهم لقوا طريقة ينتجوا بيها الشوكولاتة.

٣- الإكوادور:
الإكوادور هي موطن لبعض من أفضل حبوب الكاكاو في العالم. والإكوادور بتنتج حوالي ٦٣٪ من الكاكاو الجيد، واللي بتكون رائحته حلوة وجيد مقارنة بباقي الكاكاو، واللي بيمثل ٥٪ فقط من الكاكاو في العالم.
وفي السنوات اللي فاتت بدأوا ينتجوا الشوكولاتة كمان بتاعتهم، وفازت علامتهم التجارية “Paraci” بعدد من الجوائز الدولية متفوقة على صانعي الشوكولاتة الأوروبيين.

٤- المملكة المتحدة:
طبعًا كلنا عارفين كادبوري! واللي بترجع للقرن التاسع عشر لما الأخوان كادبوري في الخمسينات كانوا بيزودوا الملكة فيكتوريا بالشوكولاتة، وبعدين طوروا شوكولاتة ديري ميلك الشهيرة، واللي مشهورة باحتوائها على أعلى نسبة حليب، وده كان سنة ١٩٠٥م

٥- ساحل العاج:
سكان ساحل العاج بيستهلكوا أقل من ٤٪ من الشوكولاتة المتباعة حول العالم، وعلشان كده بدأوا في تصنيع الشوكولاتة يدويًّا بما إن البلد رائدة في إنتاج وتصدير حبوب الكاكاو.
وده اللي خلاهم يطلقوا شركة Instant Chocolat سنة ٢٠١٥ واللي شهدت نمو هائل في سنواتها الأولى، وحصلت على شعبية كبيرة محليًّا ودوليًّا.