في أوقات كتير لما تفكر في بلد ما؛ أول حاجة بتيجي في دماغك هي أطباقها المحلية.
هتلاقي فيهم أكل مشهور جدًّا لدرجة إنه تجاوز حدود المحلية وتم تخصيص أيام أكل عالمية لتكريمه. وفي المقال ده جمعنا لك قائمة ببعض أيام الأكل العالمية اللذيذة من جميع أنحاء العالم.
دلع نفسك بالأكل واعرف مواعيده من المقال ده، وماتنساش إن دايمًا في سبب للاحتفال، خاصة لما يبقى الموضوع متعلق بالأكل!
في مقال النهارده هنتكلم عن أهم أيام الأكل العالمية في شهر يونيو وشهر يوليو.
يوم السوشي – ١٨ يونيو:
لما نيجي نتتبع أصول السوشي هياخدنا في رحلة ممتعة؛ هيرجعنا فيها لجنوب شرق آسيا وطريقة تخزين الأسماك وحفظها لأكلها بعدين. المرحلة دي بتعرف باسم Narezushi ، ومن خلالها بيتم تخزين الأسماك عن طريق لفها في أرز مملح ومخمر علشان تبقى صالحة لعدة أشهر بفضل تخمير الأرز، وفي الأصل كان بيتم التخلص من الأرز لما السمك يكون جاهز للأكل، وبياكلوا السمك بس.
و المرحلة للي بعدها في تطوير السوشي بقت أكتر تماشيا مع الذوق الحديث، والمعروفة باسم namanare، واللي بيتم بيتم فيها صنعه من الأسماك النية جزئيًا. بعد كده اتغير السوشي من طريقة لحفظ الأسماك لشكل جديد من المأكولات. لكن دي مكانتش المرحلة الأخيرة في تطوره.
في عصر إيدو ، بين 1600 و 1800م في اليابان ، ظهر الشكل التقليدي للسوشي اللي نعرفه النهارده، المرحلة دي كانت فريدة بالنسبة للثقافة اليابانية وتتكون من السمك والخضروات الملفوفة بالأرز ، وكان الأرز يخلط مع الخل. كان للنوع ده من السوشي اختلافات إقليمية ، لكن الفكرة الأساسية لا تزال واحدة من أكثر أشكال السوشي شيوعًا النهارده.
يوم الشيكولاتة – ٧ يوليو:
يعود تاريخ الشوكولاتة إلى حوالى 2500 سنة. أحب الأزتيك الشوكولاتة السائلة المكتشفة جديد لدرجة إنهم اعتقدوا إن إله الحكمة “كيتزالكواتل” منحها لهم حرفيًّا. حتى إن بذور الكاكاو كانت شكل من أشكال العملة.
تتخيل إنك نازل تتسوق أو تشتري بيت بكومة ضخمة من بذور الكاكاو؟ هتكون حاجة جميلة، مش كده؟
في الزمن القديم كانت الشوكولاتة مرة، علشان كانت قبل وقت طويل من إضافة السكر. بمجرد ما الشوكولاتة اضاف ليها سكر وبقت حلوى في أوروبا القرن السادس عشر ؛ استحوذت الشوكولاتة على حب الجماهير وبقت واحدة من العديد من الأطعمة المفضلة للناس.
بدأت كتير من شركات الشوكولاتة الحالية عملياتها في القرن التاسع عشر وأوائل القرن العشرين. بدأت Cadbury في إنجلترا بحلول عام 1868. وبعدها بـ 25 سنة، اشترى ميلتون إس هيرشي معدات معالجة الشوكولاتة في المعرض الكولومبي العالمي في شيكاغو ، وهو دلوقتي أحد أكبر منشئي الشوكولاتة والمعروفين عالميًّا في العالم.
يوم البطاطس المقلية – ١٣ يوليو:
البطاطس المقلية هي واحدة من العديد من الأكلات اللي اسمها مضلل، أصول الأكل المقلي بالدهون ده موجودة في بلجيكا.
ممكن تلاقي قصة اختراعها في مخطوطة عائلية مؤرخة سنة 1781، واللي بتكشف إن البطاطس قُطعت في الأصل على شكل سمكة وكانت بديل للأسماك اللي بيتم اصطيادها في سلسلة من القرى الصغيرة في بلجيكا. غالبًا بيتنسب سبب تسميتهم بالفرنسية للقوات اللي جت خلال الحرب العالمية الأولى وحطوا إديهم على البطاطس البلجيكية. وكانت اللغة الرسمية للجيش البلجيكي في الوقت ده هي الفرنسية.
