استخدام مستحضرات التجميل حاجة منتشرة ومعروفة، لكن بردو من المعروف إن مستحضرات التجميل بيكون فيها بعض المواد الكميائية المضرة للبشرة، واللي بتجهدها على المدى البعيد؛ زي إنها ممكن تسبب الشيخوخة المبكرة للبشرة، ولكن اللي كتير من الناس متعرفوش ان في بدائل فعالة ومالهاش أي أضرار وهي الزيوت الطبيعية.
اعرفي معانا أهم الزيوت والمستحضرات الطبيعية المفيدة للبشرة:
زيت جنين القمح:
بيستخدم زيت جنين القمح في علاج مشاكل البشرة بمختلف أنواعها وخاصة البشرة الدهنية، واللي بتعاني من زيادة هائلة من الإفرازات الدهنية والزيوت، وده بيؤدي لظهور البثور وحب الشباب المزعج.
زيت جنين القمح بيعمل على تهدئة البشرة، وبيقلل من الشعور بالحكة والاحمرار، ويعتبر من أقوى مضادات الأكسدة فبيشتغل على تأخير ظهور التجاعيد والشيخوخة بما فيها الخطوط البيضاء حول العينين والفم والجبين، وكمان بيحتوي على نسبة عالية من فيتامين A، وفيتامين E، وفيتامين B3، وفيتامين B6، وفيتامين B2 علشان كده بيحارب بشكل قوي حروق أشعة الشمس والأشعة الفوق بنفسجية اللي بتتلف البشرة.
زيت الأرجان:
بيتميز زيت الأرجان بقدرته الفائقة على ترطيب الجلد، فهو من الزيوت اللي بتعالج كتير من مشكلات البشرة زي الحبوب والتجاعيد وغيرها، ومن أهم فوائد زيت الأركان للبشرة:
- الوقاية من أضرار الشمس و اسمرار البشرة وحروق الشمس، والوقاية من سرطان الجلد. ويمكن وضع طبقة رقيقة من زيت الأرجان على البشرة قبل التعرض لأشعة الشمس.
- ترطيب البشرة.
- علاج الحبوب: بيساعد على علاج كل أنواع الحبوب وإكساب البشرة مظهر ناعم، وعلاج الالتهاب والاحمرار المصاحب للحبوب.
- علاج عدوى الجلد.
- تقليل التجاعيد.
زيت جوز الهند:
هو أكثر الزيوت النباتية المستخدمة حاليا، بيتميّز زيت جوز الهند بمفعوله المرطّب، المجدّد، والمضاد للجفاف. بيتحول لحالة صلبة في الجو الساقع وبيتحوّل لسائل في الجو الحار. وهو مش بيحتاج اي معاملة خاصة تقدري بسهولة تحطيه على مختلف مناطق الوش والجسم الجافة وبيُستعمل في خلطات الماسكات الخاصة بترطيب الشعر.
زيت اللوز الحلو:
بيتمتع زيت اللوز بخصائص منعّمة، مهدئة، منشّطة، مغذية، ومقوّية. وهو من الزيوت المُفضّلة لتحضير خلطات تجميليّة في البيت مناسبة للبشرات الجافة، والحساسة، وبيتميز إن ريحته حلوة جدًّا.
زيت الجوجوبا:
زيت الجوجوبا مفيد جدًّا للبشرة، ومن فوايده:
- بيسرع من شفاء الجروح.
- بيقلل زيت الجوجوبا من احتمال حدوث الجروح، وبيسرع من عملية شفائها.
- بيهدي الجلد: زيت الجوجوبا بيعمل على تهدئة الجلد المتهيج، بسبب قدرته على الحفاظ على رطوبة الجلد، وخصائصه المضادة للالتهاب والمضادة للأكسدة.
- تأخير علامات الشيخوخة: بسبب إن زيت الجوجوبا فيه فيتامين هـ اللي بيشتغل كمضاد للأكسدة.
- علاج الأكزيما والصدفية.
- تنظيف البشرة: يعتبر زيت الجوجوبا اختيار مناسب لتنظيف البشرة وإزالة المكياج؛ لإنه خفيف وغير مثير للحساسية.
- بيعالج الحبوب.
