الأكل يعتبر جزء أساسي ورئيسي من ثقافة الشعوب وحضارتها وتراثها الثقافي، المطبخ المصري مشهور بطعمه الخاص اللي بيختلف عن غيره من المطابخ.
تأثر الأكل المصري على مر العصور بتأثيرات ماكنتش سلبية خالص، بالعكس أضافت له كتير زي المطبخ التركي والسوري ودول البحر المتوسط.
أنواع وأصناف كتير من الأكل المصري الأصيل لسه مكملة مع المصريين من آلاف السنين زي العيش البلدي، والبصارة والويكا والفول المدمس وغيرها من الأصناف اللي محدش يختلف على طعامتها وكمان ريحتها اللي تجري الريق.
المطبخ المصري متقسم لمطابخ فرعية، بتتشارك في الأكل المصري العادي، وكمان لكل فرع منهم بيبقى له أكلات خاصة بيه.
والفروع دي هي:
– المطبخ البحري (الإسكندراني)
– المطبخ القبلي (الصعيدي)
– المطبخ الريفي (الفلاحي)
– المطبخ البدوي (العربي)
– المطبخ الشعبي.
– مطبخ العاصمة (خليط من كل المطابخ اللي فاتت مع المطبخ الإيطالي والهندي والخليجي والشامي)
المطبخ المصري كمان متأثرش بالمطابخ التانية وبس، لكن أثر في مطابخ الدول المجاورة، نقل ليها أطباق متعددة زي الفول والطعمية، الشكشوكة وأم علي والكحك وغيرها من الأكلات المصرية.
النظام الغذائي في مصر:
-الفطار:
بالعامية المصرية الفِطار يكون بعد الصحيان من النوم، ويترواح توقيته من السابعة صباحًا إلى الثانية عشر ظهرًا.
ومن مكونات الفطار في مصر:
– فول.
– طعمية.
– بيض مسلوق/ مقلي / بالبسطرمة.
– زبادي.
– عيش بلدي/ فينو.
– لانشون.
– جبنة (بيضا- براميلي- فيتا- حادقة- رومي)
– لبن بالشاي/ قهوة.
– مخلل (زيتون – بتنجان “باذنجان” مخلل)
وأكثرهم انتشارًا الفول والطعمية، وتنتشر محلات الفول والطعمية بطريقة كبيرة في مصر. وبتقدم ساندوتشات الفول والطعمية والبطاطس اللي بيعشقها المصريين وكمان بتقدم فول وطعمية وعجينة طعمية.
-الغذاء:
بالعامية المصرية الغدا وهي أهم وجبة في اليوم، وتكون في توقيت من الثالثة حتى الخامسة ظهرًا، ويعتمد المطبخ المصري على المواسم، فلكل موسم أكل خاص بيه نتيجة توافر مكوناته بالأسواق في الموسم ده، لإن ممكن يبقى في مكونات من موسم قد تكون موجودة طول السنة إلا إن معظم المصريين مابيحبوش يطبخوها إلا في الموسم بتاعها.
ومن مكونات الغدا في مصر:
– الرز (الأبيض – حبة وحبة – بشعرية)
– المحاشي (كوسا – بتنجان- كرنب – ورق عنب – البصل)
– اللحوم والطيور ( البقري – الجاموسي – العكاوي – الحلويات – الممبار – الفراخ – الحمام)
– الأسماك (مشوي – مقلي – جمبري – بوري – بلطي)
في نهاية مقالنا النهارده، حبينا نقول إن الأكل في مصر هو روح الحياة عن المصريين.
