طبقًا لعلماء الوراثة والدراسات اللي عملوها؛ فكرة الطبخ بدأت من حوالي ٢.٥ مليون سنة!
وده اللي بيخلي الطبخ فن من أقدم الفنون اللي أبدعها الإنسان… متخيل إن الإنسان بقاله ملايين السنين بيطبخ؟! ده اللي حول الطبخ من مجرد حاجة بتشبع احتياجات الفرد وخلاص لرفاهية وفن بيتطور على مر العصور.
طبعًا ورا الاختراعات والتطورات العظيمة دي ناس عظيمة أبدعوا وهم الطباخين أو زي ما بنقول دلوقتي “شيفات”، فتعالوا كده نراجع مع بعض مين أهم وأشهر الطباخين في التاريخ.
بالتأكيد، ممكن نعتبر “بوبي فلاي”، و”جوردن رامزي”، وغيرهم من طباخين التلفزيون المشهورين من بين الأفضل، لكن هل كانوا الأكثر تأثير؟ ممكن في وقتهم، ولكن كان الطباخين اللي اتبعوهم ليهم الفضل في تطوير المطبخ، وتغيير الطريقة التي يتعامل بها الشيفات مع الاكل ، وطريقة الاكل
١-دجوليا تشايلد:
نقدر نقول إن جوليا تشايلد هي واحدة من أشهر الشيفات في التاريخ الأمريكي، ويُنسب لها الفضل في تعريف البلاد بفن المطبخ الفرنسي عن طريق كتابها للطبخ اللي بيتكون من جزأين (اتقان فن الطبخ الفرنسي)، واللي صدر سنة 1961. كتبت مجموعة متنوعة من كتب الطبخ التانية، ومثلت دور البطولة في كتير من البرامج، بما فيهم The French Chef.
٢-أنتوني بورداين:
أنتوني بوردان كان مش مجرد شيف بس، ده كان رحالة وروائي مشهور عالميًّا، وكمان غير طريقة الأكل في العالم عن طريق دروسه عن قيمة الطبخ في البيت، واكتشاف المطاعم عن طريق السفر.
٣- إينا جارتن:
بدأت حياتها المهنية كمحللة للميزانية النووية للبيت الأبيض، لكن اسمها فضل مشهور بفضل كتب الطبخ اللي ألفتها، وبرنامج Food Network Barefoot Contessa. إينا اتعرفت بوصفاتها اللذيذة والسهلة، والناس بتعتبرها أفضل شخص ممكن تعتمد عليه في الطبخ لو كنت مبتدئ.
٤- مارثا ستيوارت:
مارثا ستيوارت بتعمل كل حاجة؛ بتطبخ، وبتزرع، وبتشتغل في الترفيه، والديكور والحرف اليدوية، وشاركت في برامج طبخ كتيرة جدًّا. وليها طريقة معينة في صنع الوصفات المجربة للأطباق الكلاسيكية؛ زي كيك الشوكولاتة، والخضار المحمص.
٥- ألتون براون:
مش هتكتمل قائمة الشيفات من غير ألتون براون، اللي صاحب برنامج براون المميز “Good Eats”، اللي هو عبارة عن خليط من أساليب الفصول الدراسية، والرسومات البسيطة لشرح كيفية عمل الطبق المثالي، وتشجيع الناس على التفكير في الطرق اللي بتمشي بيها الوصفات، ويعتبر ألتون براون واحد من أفضل الشيفات اللي بيعملوا كوكيز شيكولاتة مثالية.
٦- جيادا دي لورينتيس:
لو في شيف شكل طريقة صنعنا للمأكولات الإيطالية الحديثة؛ فهي جيادا دي لورينتيس. تتخصص نجمة Food Network في عمل الأطباق الإيطالية الكلاسيكية بطريقة مبسطة يقدر أي حد يعملها في البيت، وغالبًا بتغير الوصفات علشان تكون أكثر وعي بالصحة.
