المطبخ في إفريقيا مابقاش مقتصر بس على الأطباق التقليدية، لإن مع مرور الوقت تأثرت الأكلات المشهورة في إفريقيا بكتير من المطابخ العالمية، خاصةً المطبخ الهولندي والفرنسي و الماليزي و الهندي.
وده بيرجع لعمل كتير من مواطني إفريقيا بره بلدهم، وللتأثير بوجبات البلاد اللي اشتغلوا فيها.
بمجرد وصولك لإفريقيا، لازم تجرب أكلات شعبية متنوعة كتير زي المشويات والمعجنات وأطباق الحلويات.
وفي المقال ده هنقولكم أشهر الأطباق الإفريقية وطريقة عملها وتحضيرها:
١ – اللحم المقدد – Biltong:
اللحم المقدد هو شرائح رقيقة من اللحمة المملحة اللي بتتجفف في الهواء.
اللحم المقدد مكانش وجبة رئيسية في البداية، لكن كان طريقة لحفظ اللحمة قبل اختراع الثلاجات.
يعتبر اللحم المقدد من الوجبات الخفيفة اللي بيفضلها أصحاب الدايت الصحي علشان ينقصوا الوزن، و ده عشان بيحتوي على نسبة قليلة من الدهون ونسبة عالية من البروتين.
اللحم المقدد بقى من الأكلات الشعبية اللي بتتقدم في المطاعم وعليها التوابل والخل، وعليها اقبال كبير من المواطنين و السياح.
٢ – عيش السجق الإفريقي – Boerewors Sausage:
يعتبر عيش السجق الإفريقي أشهر المعجنات المطبوخة بالشوي في جنوب إفريقيا.
يتكون عيش السجق الإفريقي من لحم البقر المفروم ممزوج مع اللحمة الضاني مضاف ليهم الطحينة وخليط من التوابل.
عيش السجق الإفريقي من الأكلات المقتبسة من المطبخ الهولندي، و هو في الأصل ملفوف اللحم المشوي في هولندا.
٣ – حلوى البودينج الإسفنجية – Malva Pudding:
تٌعتبر حلويات البودينج الإسفنجية هي الحلويات الشعبية في إفريقيا، وهي في الأصل من الحلويات الهولندية.
بيتكوّن من الكيكة الإسفنجية المخبوزة في الفرن، ومحشيّة بالكريمة، ومُضاف ليها صوص الفواكه.
نكهة المشمش هي النكهة الأصلية للكريمة و الصوص، ولكن بقت الحلويات في جنوب إفريقيا متعددة النكهات حسب إفريقيا. من العادات الأسبوعية في إفريقيا تناول حلويات البودينج الإسفنجية اللي بتتعمل في البيت بالليل كل يوم أحد بعد وجبة الغداء.
٤ – اللحم المشوي – Shisa Nyama:
بتتميز اللحوم المشوية في إفريقيا بتتبيلتها غير التقليدية واللي بتديها نكهة تخليها تختلف عن غيرها من المشويات في العالم. عادةً أكل اللحوم المشوية بيكون في حفلات الشواء اللي بتتعمل في كل إجازة أسبوعية.
وبتنوع وجبة اللحوم المشوية بين اللحمة الضاني والبقري، ده غير الفراخ، وكل منهم ليه تتبيلة خاصة وطعم خاص.
بتتقدم وجبة اللحم المشوي مع سلطة الخضار المشوية المهروسة مع صوص الباربكيو.
