واحد من أهم الاختراعات البشرية هو اختراع تعليب الأكل، ده لأنه واحد من أهم الطرق لتخزين الأكل بدون تغيير خواصه زي الطرق البدائية. بالذات إن فكرة المعلبات ظهرت في حدود سنة ١٨٠٤م لما الطباخ نيكولاس آبرت اكتشف بالصدفة إنه لما ساب الأكل في علب زجاج وغطاها بمياه مغلية إن الأكل فضل عايش لفترة طويلة. وطبعًا من ساعتها والموضوع بيتطور لحد ما وصلنا لشكل الأكل المعلب اللي بقى جزء أساسي من حياتنا.
النهارده هنتكلم عن الأكلة المعلبة الأكثر انتشارًا في العالم كله وهي التونة!
سمك التونة من أشهر أنواع الأكلات البحرية في العالم. غير نكهتها المميزة، ولونها الجميل وإنها بتكون إضافة لأي أكلة، تعتبر التونة مغذية جدًّا.
ناس كتير بياكلوا التونة المعلبة وبيضيفوها على أكلات كتير زي المكرونة والبيتزا وحتى الكشري!
التونة بتحتوي على العناصر الغذائية اللي بيحتاجها الجسم، ولها فوائد صحية كتير منها:
١- مصدر أساسي لفيتامين ب 12:
تعتبر التونة مصدر ممتاز لفيتامين ب 12، وهو فيتامين ضروري لتجديد الحمض النووي. وبيساعد فيتامين ب 12 على تكوين خلايا دم حمراء جديدة ومنع تطور فقر الدم والأنيميا.
٢- انخفاض خطر الإصابة بأمراض القلب:
بتساعد المستويات العالية من أحماض أوميجا 3 الدهنية في أسماك التونة على تقليل مستوى أحماض أوميجا 6 الدهنية والكوليسترول اللي ممكن يتراكم جوه شرايين القلب. أظهرت الدراسات إن أكل الأكلات المليئة بأوميجا 3 بيرتبط بتقليل معدلات الإصابة بأمراض القلب والأوعية الدموية، بما في ذلك النوبات القلبية.
٣- منع مشاكل الرؤية:
الدراسات أثبتت إن الأوميجا 3 في التونة ليه تأثير إيجابي على صحة العين. في دراسة اتعملت على 40 ألف أخصائية صحية، كانت الستات اللي بتاكل التونة أسبوعيًّا أقل عرضة للإصابة بجفاف العين بنسبة 68٪. وكمان بيُقال برده إن الأوميجا 3 بتساعد في الصحة العامة العين.
٤- تقليل مخاطر الإصابة بالسرطان:
بيُعتقد إن أحماض أوميجا 3 الدهنية في التونة بتساعد على إبطاء نمو الخلايا السرطانية، وتقليل الالتهاب في الجسم. وده مهم جدًّا لإن معظم أنواع السرطان مرتبطة بالالتهاب المزمن.
٥- بتساعد على فقدان الوزن:
التونة لحمها قليل الدهن. وغني بالبروتين نسبيًّا، ولكنه السعرات الحرارية فيه قليلة جدًّا، وده معناه إنه بيخليك شبعان لفترة أطول، ويمنعك من إحساس الجوع والأكل الزيادة. في واحدة من الدراسات، قل وزن المراهقين اللي بياكلوا الأسماك الخالية من الدهون بانتظام زي التونة لكذا أسبوع بمتوسط 2 كيلو من وزن المجموعة اللي اعتمدت على نظام خالي من السمك.
٦- القيمة الغذائية للتونة:
التونة هي واحدة من أفضل المصادر الغذائية لفيتامين د. بس 3 معالق من التونة المعلبة بتوصل لـ 50٪ من المستوى اليومي اللي بينصح به.
فيتامين د ضروري لصحة العظام وتقوية جهاز المناعة ضد الأمراض وضمان النمو الأفضل للأطفال.
تعتبر التونة كمان مصدر رائع لفيتامينات ومعادن زي: الحديد، وفيتامين ب ٦، والبوتاسيوم، والسيلينيوم، واليود.
