بتحاول تمنع السكريات المصنعة من نظامك الغذائي؟
مع زيادة الوعي بأضرار كثرة السكر، وخصوصًا الأشكال المعالجة منه زي السكر الأبيض، وإزاي بتساهم في مجموعة من المشاكل الصحية زي تسوس الأسنان، وأمراض القلب والسمنة؛ زاد اهتمام الدكاترة والآراء اللي بتشجع على تجنب كل أنواع السكر، واستخدام المحليات الطبيعية اللي بتوفر بدائل رائعة للسكريات.
إيه المحليات الصحية اللي ممكن تستخدموها بدل السكر الأبيض سواء مع المشروبات أو المخبوزات والحلويات؟
سكر جوز الهند:
سكر جوز الهند بيحتوي على فيتامينات ومواد المغذية زي: الماغنيسيوم والحديد والزنك، وطعمه بيشبه الكراميل.
ييتم استخراج سكر جوز الهند من الزهور نخل جوز الهند، وبيحتوي على ألياف غذائية بتساعد على بطء امتصاص الجسم في الجسم.
ممكن نستخدمه في عمل حلويات صحية من غير سكر أبيض، ولكن لازم مرضى السكر يرجعوا للطبيب المتخصص علشان يحددلهم الكمية المناسبة ليهم حسب طبيعة مرضهم.
عسل النحل:
يعتبر عسل النحل من أقدم المحليات على مستوى العالم، وبيتم استخدامه كعامل شفاء طبيعي، وده بسبب خصائص العسل المضادة للالتهابات.
ما ينصحش بزيادة أكل عسل النحل؛ وده لإن سعراته الحرارية عالية، كمان لو أنت مريض بالسكر فيُنصح بالرجوع للدكتور لتحديد الكمية اللي ممكن تستخدمها من عسل النحل يوميًّا.
“جاغري” السكر البني:
يعتبر السكر الهندي البني الخشن والمعروف باسم “جاغري” واحد من مصادر السكريات الطبيعية من فترة طويلة. بيتم استخدامه بشكل رئيسي، في آسيا وإفريقيا، وبيستخلص من عصير قصب السكر غير المكرر.
بيتم غليه وتقليبه وتصفيته وصبه في قوالب للتخزين والبيع.
السكر البني بيديك الحلاوة المطلوبة، ومفيد في تحسين عملية الهضم عن طريق تنشيط الإنزيمات وتحفيز حركة الأمعاء وبيدعم جهاز المناعة وبيطرد السموم من الكبد.
سكر التمر:
سكر التمر بيتميز بفوايده الغذائية الكتير. بيتعمل عن طريق تجفيف التمر وطحنه لتصنيع السكر.
سكر التمر بيدي طاقة عالية وبيحتوي على الجلوكوز والسكروز والفركتوز. وهو واحد من أغنى العناصر الغذائية بالبروتينات والحديد والنحاس والزنك والمنغنيز.
سكر ستيفيا:
بديل السكر ستيفيا هو واحد من أفضل بدائل السكر الطبيعية، وبيتم استخراجه من نبات ستيفيا، وبلده الأصلي أمريكا الجنوبية.
البودرة اللي ببتم استخراجها من أوراق ستيفيا هي البديل الأفضل لمرضى السكر من النوع الثاني، ومرحلة ما قبل السكر، ولكن ينصح لأي مريض سكر إنه يستشير الدكتور قبل الاستخدام، لتحديد الكمية اللي ممكن يستخدمها.
من أهم مميزات ستيفيا إنه غير مضر الأسنان على عكس السكر الأبيض، وكمان مناسب لتحلية الشاي والقهوة وصنع الحلويات.
