العيش بيفكرنا بالبيت واللمة، ونوع العيش اللي كبرت وأنت بتاكله بيرمز للبلد اللي كبرت فيه.
من “الباجيت” في فرنسا لـ”العيش البلدي” في بلدان البحر الأبيض المتوسط؛ بيعتبر العيش من العناصر الأساسية في كل العالم، وبيتميّز بمكوناته، وطريقة صنعه، وأسمائه الكتير؛ ودي بعض أفضل أنواع الخبز في بلاد العالم:
فوكاتشا – إيطاليا:
الفوكاتشا” عيش إيطالي مسطح بيجهّز في الفرن، مصنوع من الدقيق والزيت والماء والملح والخميرة.
وبيتاكل كطبق جانبي أو مقبلات أو قاعدة للبيتزا، واللي بيضاف عليها مكونات مالحة زي: الزيتون، أو شرائح الطماطم.
الباجيل – بولندا والولايات المتحدة:
ظهر خبز “الباجيل” الأول في بولندا، وبعد كده انتشر في دول كثيرة، وخصوصًا الولايات المتحدة وكندا، وهو عبارة عن عجينة تقليدية بتتغلي في الماء لفترة قصيرة، تُخبز على شكل حلقات بحجم كف اليد، وبيترش عليها أحيانًا السمسم وحبة البركة.
عيش الدامبر – أستراليا:
عيش الدامبر كان بيعتبر الغذاء الأساسي للمسافرين، وبيتكون من الماء والدقيق والملح، وبيتحط على طاسة حديدية وبيستوي مباشرة على الرماد. وحاليًا بيُضاف عليه بعض الحاجات زي: المحسنات الكيميائية للخبز، والزبدة، واللبن؛ علشان يحولوا عيش الغابات التقليدي لعيش محسن شبيه بعيش الصودا الأيرلندي.
عيش باو دي كويخو – البرازيل:
من الحاجات الغريبة جدًّا كبير انتشار عيش مصنوع من نبات الكاسافا غير الصالح للأكل. النباتات دي بتحتوي على كمية كبيرة من السيانيد الكافية لقتل الناس! لكن بالتعامل الحذر مع الكاسافا واللي بيكون عن طريق النقع والضغط والتجفيف؛ ده خلى السكان المحليين يحولوا النبات لنجم مطبخهم الأول، وبقى نبات الكاسافا المكون الرئيسي في معظم الحلويات، ولفافات الجبن المقرمشة من برة وطرية من جوه.
عيش بايغل مونتريال – كندا:
صناعة الباغيل منتشرة في أمريكا، لكن النسخة المونتريالية منه ليها طعم مختلف تمامًا. في مونتريال، بتتم صناعة عجينة البايغل مع البيض والعسل، وبتُثقب العجينة يدويًّا في المياه المغلية المخلوطة بالعسل قبل تسويتها. والنتيجة هي عيش غني ومقرمش وله نكهة حلوة. وكمان تقدروا تشتروا البايغل سخن على مدار 24 ساعة.
النان – آسيا:
عيش “النان” منتشر في غرب ووسط وجنوب آسيا، بيكون طري وفيه شوية قرمشة، وبيتحط عليه زبدة أو سمنة قبل التقديم مباشرة، وكمان ممكن يتعمل بحشوات زي: اللحمة المفرومة، والثوم، واللحم البقري.
خبز الباغيت – فرنسا:
برغم شهرته الواسعة وتعلقه بالتقاليد الفرنسية؛ إلا إن الباغيت مش اختراع حديث، فحسب كلام مؤرخ طعام الباريسي “جيم شيفاليير” إن في أرغفة خبز طويلة شبه الباغيت كانت مشهورة في القرن التاسع عشر، وتم تكريم الباغيت في سنة 1920 ضمن إحدى مسابقات الطعام.
الباغيت دلوقتي مش مشهور بس في فرنسا بس، ده في دول كتير تانية بتستهلك منه كميات كبيرة زي: المغرب، والجزائر وتونس وليبيا.
