على الرغم من صغر حجمها؛ إلا إن بذور الشيا مليانة بالعناصر الغذائية المهمة.
تعتبر بذور الشيا مصدر ممتاز لأحماض أوميجا 3 الدهنية، وغنية بمضادات الأكسدة، وتوفر الألياف والحديد والكالسيوم.
بتساعد أحماض أوميغا 3 الدهنية على رفع مستوى الكوليسترول الحميد، وهو الكوليسترول “الجيد” اللي بيحمي من النوبات القلبية والسكتات الدماغية.
إيه هي بذور الشيا؟
قبل ما نقول فوائد بذور الشيا الصحية لازم نعرف إيه هي بذور الشيا أصلًا، وإمتى ظهرت لأول مرة، وبتنمو فين بشكل أساسي؟
بتوصف بذور الشيا بأنها نوع من البذور الإسبانية، ظهرت لأول مرة في المكسيك.
في مسميات كتير لبذور الشيا، وبتسمى في بعض البلاد اسم القصعين الإسباني، والمريمية الإسبانية أو القصعين الكولومبي.
شكل بذور الشيا الرئيسي، كبذور بيضاوية الشكل، وبيكون لونها بين الأبيض والرمادي ولها بقع سوداء.
فوائد بذور الشيا:
١- عناصر غذائية عالية وسعرات حرارية قليلة:
بذور الشيا بقت تُعرف على إنها من الأكلات فائقة الجودة في العصر الحديث بس.
وفي السنوات الأخيرة ازدادت شعبيتها وبقى الناس بيستهلكوها كتير من المهتمين بالصحة، لأشهر الشيفات في جميع أنحاء العالم.
بتحتوى على كمية مناسبة من الزنك، وفيتامين B3 والبوتاسيوم، وفيتامين B1 وفيتامين B2، وفي حوالي ملعقتين كبار بتوفر 137 سعرة حرارية وجرام واحد من الكربوهيدرات القابلة للهضم، وده بيخليها واحدة من أفضل المصادر لعدد كبير من العناصر الغذائية المهمة.
٢- لذيذة وبتساعد على الشبع:
النبتة الصحراوية دي بتستخدم كوسيلة فعالة للسيطرة على الجوع، والمحافظة على النظام الغذائي. وبذور الشيا بتحتوي على طعم لطيف بيفضله الجميع، وطعمها قريب شوية من طعم الجوز.
و يمكن بكل سهولة إضافتها للأكلات والمشروبات، ويمكن خلطها مع الكورنفليكس والصلصات، والخضار، وأطباق الأرز، واللبن وحتى الحلويات.و ممكن تتاكل البذور بشكلها الطبيعي أو المطحون.
٣- مليانة بمضادات الأكسدة:
بتوفر بذور الشيا كمية عالية من مضادات الأكسدة اللي بتشتغل على حماية الدهون الحساسة في البذور.
٤- الوقاية من الإصابة بالسكري:
كشفت دراسات علمية حديثة إن أكل بذور الشيا بانتظام، بتساعد على الوقاية من الإصابة بمرض السكر.
ويوصي الدكاترة باعتماد فكرة استخدام بذور الشيا في العيش كبديل عن العيش الأبيض، لإنها من ضمن الحبوب الكاملة، اللي بيساعد استخدامها في تقليل نسب السكر في الدم بعكس الدقيق الأبيض.
غير إن بذور الشيا بتحتوي على عدد من الفيتامينات، والمعادن، ومضادات الأكسدة العديدة، وده بيخليه خيار غذائي متكامل.
