خل التفاح هو عنصر أساسي في المطبخ، وله كتير من الفوائد الصحية الرائعة، كمان هو علاج بيتي شهير استخدمه الناس لقرون في الطبخ والطب.
ده غير إن ليه الكتير من الاستخدامات المختلفة في الوصفات للعناية بالبشرة والتنظيف والطبخ. ومنها تنظيف وغسل الشعر وحفظ الأكل وتحسين وظايف الجلد.
وممكن استخدامه في جميع أنواع الوصفات من تتبيلات السلطة والشوربات والصلصات والمشروبات الساخنة وغير كده كتير.
خل التفاح ليه فوايد كتيرة جدًّا منها:
١- بيخفض سكر الدم:
يقال إن خل التفاح بيساعد مرضى السكر على إدارة مستويات السكر في الدم.
أظهرت بعض الدراسات إن وضع الخل في وجبة عالية الكربوهيدرات ممكن يحسن من حساسية الأنسولين بنسبة تصل لـ34٪ ويقلل من مستويات السكر في الدم بشكل كبير.
٢- يساعد على الشعور بالشبع:
يُنصح بخل التفاح كمساعد لتقليل الوزن. لإنه بيساعدك على الشعور بالشبع.
أظهرت بعض الدراسات إن خل التفاح بيساعدك على أكل سعرات حرارية أقل، وفقدان الوزن، وتقليل دهون البطن، و إذا كان هدفك إنك تخس بسرعة؛ فهو أفضل مساعد لكده.
٣- لحفظ الأكل:
خل التفاح مادة حافظة فعالة زي الأنواع التانية من الخل. استخدم الناس الخل كعامل تخليل للحفاظ على الأكل لآلاف السنين.
وهو بيحفظ الأكل لإنه بيخليه أكتر حمضية وبيبطل نشاط إنزيماته وبيقتل أي بكتيريا ممكن تتلفه.
٤- كمزيل للروائح الكريهة:
من المعروف إن خل التفاح له خصائص مضادة للبكتيريا. وللسبب ده ، غالبًا بيستخدم خل التفاح في أنه يزيل الروائح الكريهة.
وتقدر تجربه عن طريق خلط جزء من خل التفاح مع جزء واحد من الماء لعمل مزيل للروائح الكريهة.وده بيخليه بديل طبيعي لمعدلات الروائح.
ينصح بمزج خل التفاح مع الماء وأملاح إبسوم لنقع القدمين؛ لإنه ممكن يساعد في التخلص من رائحة القدم غير المرغوب فيها عن طريق قتل البكتيريا المسببة للرائحة.
٥- منظف لكل الأغراض:
غالبًا بيكون خل التفاح خيار شائع كبديل طبيعي لمواد التنظيف التجارية. وده بسبب خصائصه المضادة للبكتيريا.
اخلط كوب واحد من الماء مع نصف كوب من خل التفاح، وهيكون عندك منظف طبيعي لكل الأغراض.
٦- لاصطياد الذباب والحشرات:
الذباب من أكتر الحاجات اللي بتنقل الباكتيريا وممكن تسبب عدوى لو وقفت على الأكل، علشان كده من السهل استخدام خل التفاح لعمل مصيدة للذباب.
كل اللي عليك إنك تصب شوية من خل التفاح في كوباية ، وتضيف شوية من صابون الأطباق، ومعلقة عسل، وكل الذباب هيتلم على الكوباية ويموت، وكمان أي حشرات صغيرة زي الهاموش.
