تعتبر وجبة الفطار هي الأهم خلال اليوم، وده علشان بتكسر فترة الصيام بتاع الليل للصبح، ولكن في حالة إنك صحيت من غير ما تحس إنك جعان؛ ففي الحالة دي ممكن تأخر وجبة الفطار عادي، ولكن مع الحرص على إنك تاكلها في الساعات الأولى بعد الصحيان، وبشكل عام بننصحك تنتبه لإشارات الجوع الصبح.
بتختلف أهمية وجبة الفطار ومدى تفضيلها من شخصٍ للتاني، وفي شوية النقط الجايين هنبين أهمية وفوائد أكل وجبة الفطار:
١- مد الجسم بالطاقة والعناصر الأساسية اللازمة علشان تبدأ اليوم: لازم وجبة الفطار تحتوي بشكل أساسي على الكربوهيدرات والبروتينات، لإن الكربوهيدرات بتزود طاقة الجسم، وطاقة الدماغ اللي محتاجها خلال اليوم. أمَا البروتين بقي فبيدي الجسم القوة اللازمة علشان يقوم بالوظائف المختلفة، وبيساعده على الإحساس بالشبع لحد ميعاد الوجبة الجاية.
٢- التحكم في مستويات السكر في الدم: بيساعد أكل وجبة الفطار على استقرار مستويات سكر الدم طول اليوم، سواء كان الشخص مصاب بالسكري أو لا، وكمان ممكن يساعد الأشخاص اللي مش مصابين بارتفاع سكر الدم على تقليل خطر الإصابة بمقاومة الإنسولين (بالإنجليزية: Insulin resistance)، اللي ممكن يزود خطر الإصابة بالسكري، وتقليل خطر حصول الارتفاعات والانخفاضات الكبيرة في سكر الدم، واللي بتأثر في المزاج، وبتزود الإحساس بالعصبية والغضب، ولازم نشير لضرورة تجنب تخطّي وجبة الفطار بالنسبة لمرضى السكري، لإن ده ممكن يزود من خطر الإصابة بنقص السكر في الدم (بالإنجليزية: Hypoglycemia)، وكمان ممكن يسبب تخطي وجبة الفطار الإحساس بالتعب، والقلق، وسرعة الانفعال، والرعشة، وغيرها من الأعراض الخطيرة، زي: عدم انتظام ضربات القلب، والنوبات التشنجية.
٣- التقليل من خطر الإصابة بأمراض القلب: في بحث متكون من 4 دراسات، اتنشر في مجلة Proceedings of the Nutrition Society سنة 2020، البحث ده قال إنك لو فوت وجبة الفطار فده مرتبط بزيادة خطر الإصابة بأمراض القلب والأوعية الدموية، ولكن ده غير مؤكد، ولسه الباحثين محتاجين دراسات أكتر لتأكيد ده.
٤- التحسين من وظائف الدماغ: يحتاج الدماغ للطاقة لأداء وظائفه، وممكن يساعد الفطار على زيادة مستوى الانتباه، والتركيز، والشعور بالسعادة، وفي حالة إنك ماكلتش وجبة الفطار ممكن تحس بالكسل، والخمول، وصعوبة التركيز، وده عشان الدماغ مخدش الجلوكوز اللازم لأداء وظائفه المختلفة، و أشارت كتير من الدراسات إلى إن لو ماكلناش وجبة الفطار ده هيأثر في الأداء العقلي؛ زي الانتباه، والقدرة على التركيز، والذاكرة، والموضوع ده ممكن يزيد من صعوبة القيام بالمهام اليومية العادية، ولازم نذكر إن الأطفال والمراهقين اللي بياكلوا الفطار بشكل منتظم بيرتفع أدائهم الأكاديمي، ومستويات تواصلهم مع المدرسين والبالغين، وده بيأدي لتحسين نتائجهم الصحية والأكاديمية مقارنة بالأطفال والمراهقين اللي مابياكلوش وجبة الفطار.
