١- كيت كات بالبطاطا:
البطاطا حلوة أكيد، بس اليابانيين خدوا حبهم للبطاطا ودمجوه مع الشوكولاتة وعملوا نكهة جديدة للكيت كات بالبطاطا وبقى لونها بنفسجي!
وطعمها؟ تحفة!
٢- شوكولاتة بالبيكون:
بتحب البيكون مع البيض؟.. بس لو أنت من محبي البيكون بجد هتفرح بنوع الشوكولاتة ده اللي بنكهة البيكون، واللي بيكون فيها نسبة طعم مدخن وملح، بس للأسف النوع ده ماينفعش للنباتيين.
٣- شوكولاتة بطعم الفرنش توست:
لو مش قادر تفطر في يوم ممكن تاخد لك بار شوكولاتة بالفرنش توست بدل الفطار الصباحي!
حد عاوز يجرب حاجة زي كده؟
٤- شوكولاتة بطعم الفول السوداني والكاتشب:
الشوكولاتة بالسوداني حلوة طبعًا وبزبدة الفول السوداني أحلى لكن في نوع شوكولاتة ضاف كاتشب كمان! والنكهة دي أطلقوها بعدد محدود كاحتفال بفوز أوباما برئاسة أمريكا، ومن ساعتها المصنع ماوقفش إنتاجها.
٥- كيت كات بالشاي الأخضر:
اليابان متألقة في موضوع نكهات الشوكولاتة ده ومنها كيت كات الشاي الأخضر أو الماتشا، ومش دي بس النكهة الغريبة الوحيدة اللي عملتها كيت كات في اليابان، دول عملوا أكتر من ١٠٠ نكهة محلية وغريبة!
