محتار تستخدم أي نوع من الدقيق للخبز والطبخ؟
اعرف أهمية دور الغلوتين في تحسين الأكلات المفضلة عندك. وكمان اعرف كل النصائح المفيدة عن إزاي تختار الدقيق المناسب لصحتك وكمان الأنسب للوصفات.
أنواع الدقيق:
يعتبر الدقيق من المكونات الأساسية لتحضير الكثير من الحلويات زي الكيك، البسكويت والكوكيز. أما بالنسبة لأنواع الدقيق، فهي متنوعة، والنهارده؛ اختارنا لكم قائمة بأكتر أنواع مستخدمة لتحضير أحلى الحلويات والمخبوزات!
الدقيق الأبيض:
بينتج الدقيق عن طريق طحن القمح المقشر. وبيدخل في صناعة الحلويات، والمخبوزات، والخبز الأبيض، والجلاش، والكعك.
دقيق الذرة:
بيتميز دقيق الذرة باحتوائه على نسبة عالية من النشا. أكثر المطابخ اللي بتستخدم دقيق الذرة هو المطبخ المكسيكي وبيدخل في صناعة العيش التورتلا.
دقيق القمح الكامل:
يشتهر دقيق القمح الكامل باسم الدقيق الأسمر. وبيتعمل من طحن حبوب القمح كاملة بقشرتها الخارجية. بيتميز الدقيق الأسمر باحتوائه على نسبة عالية من الألياف. وبيتميز بلونه البني. ويعتبر أفضل أنواع الدقيق، وكمان بيُستخدم في حاجات كتير أوي. ومناسب لمرضى السكر وللأشخاص اللي بيعملوا دايت أو بيحاولوا يقللوا وزنهم.
دقيق الأرز:
دقيق الرز بيتعمل من طحن حبوب الأرز كاملة. وبيتميز دقيق الأرز بإنه خالي من الجلوتين، ويعتبر دقيق الرز مناسب الأشخاص اللي بيعانوا من حساسية الجلوتين. ويدخل دقيق الأرز في صناعة الحلويات والمخبوزات. وأكثر المطابخ بتستخدم النوع ده من الدقيق هو المطبخ الهندي.
دقيق الخبز:
يعد دقيق الخبز أشهر وأكثر دقيق استخدامًا. غير مناسب للأشخاص االلي بيعانوا من حساسية الجلوتين. وبيحتوي على نسبة عالية جدًّا من الجلوتين. وبيدخل في صناعة المخبوزات والحلويات.
دقيق الكيك:
ينتج من القمح اللين. بيتميز باحتوائه على نسبة قليلة من الجلوتين. وبيتميز بإن قوامه ناعم. ولونه أبيض وبيدخل في عمل البسكويت، وبعض أنواع المخبوزات.
دقيق الفطائر:
بيستخدم النوع ده من الدقيق في عمل الفطائر وجميع المعجنات، وبيدخل في عمل البيتزا والبسكويت. وبيتميز بإن فيه نسبة قليلة من الجلوتين. وبيكون لونه بين دقيق الكيك ودقيق الخبز.
بدائل الدقيق بدون جلوتين:
دقيق الشوفان:
يعتبر دقيق الشوفان صحي أكثر من الدقيق الأبيض وبتكون أضراره أقل من الدقيق الأبيض، وبيستخدم في عمل أكلات زي المكرونة والأرز، وبيتم استخدامه في المخبوزات بأنواعها، وبيخلط مع دقيق القمح في صنع المخبوزات والحلويات، وبيتميز بإنه سهل الهضم.
دقيق البطاطس:
دقيق مصنوع من البطاطاس له نكهة البطاطس الغنية، وبيستخدم في الخبز والفطائر. وبيستخدم كمحسن في صنع الشوربة والمرقة. يشتهر دقيق البطاطس بين الأشخاص المصابين بمرض الاضطرابات الهضمية لإنه خالي من الجلوتين.
