كل الستات والبنات بتحلم بشعر صحي وطويل، وبتحاول بكل الطرق للمحافظة على شعرها ولمعانه، لإن الشعر الصحي هو تاج وزينة الجمال. بس للأسف من الأخطاء الشائعة هي استهلاك كميات كبيرة من المستحضرات الصناعية، واللي مع الوقت بتجيب نتيجة عكسية، وبتضر الشعر؛ حتى لو كان في الأول نتايجها سريعة ومغرية.
هنعرفك على أفضل الطرق والمنتجات الطبيعية للعناية بالشعر، وأهمهم هي الزيوت الطبيعية.
رغم إن كل أنواع الشعر ممكن إنها تستفيد من استخدام الزيت؛ فمهم جدًّا اختيار النوع اللي يناسب شعرك، وفي المقال ده جمعنا لك أفضل الزيوت لتطويل الشعر وترطيبه وتنعيمه علشان تختاري اللي يناسبك.
وأهم حاجة المكان اللي هتشتري منه الزيوت دي؛ بحيث تضمني تكون طبيعية فعلًا، ومش مخلوطة بأي إضافات صناعية.
زيت اللوز الحلو:
بيعمل زيت اللوز الحلو على ترطيب الشعر ومنع هيشانه وتقصفه وبيقلل من تساقط الشعر، واستخدامه بانتظام بيساعد على نمو شعر أطول وأقوى.
زيت اللافندر:
زيت اللافندر بيعزز نمو الشعر من غير أي آثار جانبية زي اللي بتسببها منتجات نمو الشعر الكيميائية التانية، كمان بيمنع تساقط الشعر، وبيرطب فروة الرأس، وبينظم إفراز الدهون.. وبيتميز زيت اللافندر برائحته المميزة.
زبدة الشيا:
فوائد زبدة الشيا للشعر الجاف:
- بيساعد الفيتامين أ و هـ الموجودين في زبدة الشيا على ترطيب وتغذية الشعر من الجذور.
- بتحتوي زبدة الشيا على عامل الوقاية من الشمس SPF، اللي بيحمي الشعر الجاف من أضرار أشعة الشمس الفوق البنفسجية.
فوائد زبدة الشيا للشعر الخفيف:
- بتعالج زبدة الشيا مشكلة الشعر الخفيف بطريقة طبيعية.
- بتحتوي زبدة الشيا على كمية كبيرة من الفيتامينات والمعادن الرئيسية اللي بتزيد من نمو الشعر.
- المركبات المضادة للالتهابات والأحماض الدهنية الموجودة فيها بتساعد على علاج تساقط الشعر.
فوائد زبدة الشيا للشعر الدهني:
- بتحتوي زبدة الشيا على كتير من المرطبات ومضادات الالتهابات، لإنها مشبعة بالفيتامينات أ و هـ والأحماض الدهنية الأساسية، اللي بتشتغل على تغذية الشعر من الجذور، والتقليل من احمرار وتهيج في فروة الرأس.
- زبدة الشيا بتساعد على توزيع الزيت الزائد في فروة الرأس فبتعالج الشعر الدهني.
زيت الخروع:
زيت الخروع ليه فوائد كتيرة خصوصًا للشعر، أهمها:
– بيعزز نمو الشعر وبيحفز طلوع الشعر من جديد، خصوصًا في الأماكن الفاضية من الشعر، ينصح بتدليك فروة الراس كويس وبانتظام.
– بيعالج التهابات فروة الرأس وأمراضها المختلفة، زي: القشرة والحكة.
– بيحمي الشعر من الشيب المبكر.
– بيرجع الرطوبة للشعر وبيعالج الشعر الجاف والمتكسر.
– بيخفف من تقصف الشعر.
– بيعالج تساقط الشعر، وبيقوي بصيلات وجذور الشعر.
– بيكثف الشعر، وبيرجع لمعانه.
زيت الجرجير:
- بيمنع تساقط الشعر، وبيعزز نموه، وكمان بيستخدم على الحواجب لتحفيز نموها.
- مرطب رائع بفيتامين C، بيُمْتَص الزيت في البشرة الجافة أو التالفة، وبيخليها رطبة طول اليوم، جربوه قبل النوم كعلاج للبشرة طول الليل.
- يعتبر زيت الجرجير علاج قوي مضاد للشيخوخة؛ لإنه بيحتوى على نسبة عالية من المواد المضادات للاكسدة لمحاربة الخلايا التالفة وإعادة بنائها، وبيزيل السموم من الجلد.
جل الصبار:
للصبار فوائد كتير ومنها:
- إصلاح الضرر في فروة الرأس.
- بيساعد بصيلات الشعر على النمو وبالأخص اللي دخلت في مرحلة من السبات.
- بيقلل من تساقط الشعر، وبيساعد في زيادة كثافة الشعر بشكل ملحوظ.
- بيتملك خصائص مضادة للالتهاب والفطريات، واللي بتشتغل على تغذية الشعر وفروة الرأس والوقاية من قشرة الرأس.
- غني بالبروتينات والفيتامينات والمعادن اللي بتغذي الشعر وتعزز من نموه.
- بيرطب الشعر وبيحميه من الجفاف.
- بيساعد على تهدئة حكة الرأس الناتجة عن التهاب الجلد الدهني، ودي من الفوائد المهمة جدًّا.
- بيساعد في تنظيف الشعر الدهني من الدهون المتراكمة على فروة الرأس، وبقايا منتجات الشعر من غير أي ضرر للشعر.
