أمراض القلب بتكون سبب في ما يُقارب ثلث الوفيات في جميع أنحاء العالم، والنظام الغذائي بيلعب دور رئيسي في حماية صحة القلب، وكمان ممكن يكون له تأثير سلبي في صحة القلب؛ ممكن تؤثر بعض الأطعمة في ضغط الدم، ومستويات الدهون الثلاثية والكوليسترول في الدم، والالتهابات.

وكلها ممكن تبقي من عوامل خطر الإصابة بأمراض القلب، وفي مقال النهارده هنقولكم على أفضل أكلات بتساعد على تحسين صحة القلب.

الخضراوات الورقية الخضراء:

تتميز الخضروات الورقية الخضراء زي: السبانخ واللفت بإنها بتحتوي على كميات كبيرة من الفيتامينات، والمعادن، ومضادات الأكسدة، فهي مصدر غني بفيتامين (ك) اللي بيساعد على حماية الشرايين، وتعزيز عملية تخثر الدم، وكمان بتحتوي الخضروات الورقية الخضراء على نسبة عالية من النترات الغذائية، واللي بتساهم في خفض ضغط الدم، وتقليل خطر تصلب الشرايين، وتحسين وظايف الخلايا المبطنة للأوعية الدموية.

الفاصوليا الخضراء:

 الفاصوليا والبقوليات من الأطعمة الرئيسية اللي بيوصي بيها دكاترة التغذية في النظام الغذائي الخاص بصحّة القلب؛ علشان بتحتوي على نسبة عالية من الألياف الغذائية، والمعادن، والفيتامينات زي فيتامين (ب)، وفيتامين (ب٦) الضروري لصحة القلب، وكمان نقدر نقول إنها خالية من الدهون المشبعة.

ولكن كل ده ممكن مايكونش له لازمة لو اخترنا الفاصولياء المعلبة بدل الطازة؛ و ده علشان الفاصوليا المعلبة بتحتوي على ملح كتير.

الفاصوليا السوداء:

الفاصوليا السوداء تعتبر مصدر غني بالعناصر الغذائية المفيدة لصحة القلب؛ تتضمن مثلًا: الفولات، ومضادات الأكسدة، والمغنيسيوم، وكلها بتساعد على خفض ضغط الدم، كما أنها بتحتوي على الألياف الغذائية اللي بتساهم في التحكم بمستويات الكولسترول، وكمان نسبة السكر في الدم.

الأسماك الدهنية:

الأسماك الدهنية زي: التونة، والسلمون، والسلمون المرقط، والماكريل بتحتوي على دهون صحية، وتعتبر الأنواع دي من الأسماك مصدر غني بأحماض أوميجا-٣ الدهنية اللي بتساعد على التقليل من خطر الإصابة بالالتهابات.

ولازم نفكرك إن الشخص ممكن مايحتاجش ياكل السمك كل يوم علشان يستفاد منه، لكن ممكن ياكله مرتين بس في الأسبوع كحد أدني.

الحبوب الكاملة: 

تعتبر الحبوب الكاملة زي: القمح والرز البني، الشوفان، الجاودار والشعير والحنطة السوداء، والكينوا مصدر رئيسي ومهم للألياف الغذائية مقارنة مع الحبوب المعالجة؛ لإن الألياف الغذائية بتساعد على خفض مستويات الكوليسترول الضار في الدم، وتقليل خطر الإصابة بأمراض القلب.