من المهم عند أي إنسان إنه يحافظ على صحة القلب علشان يتفادي الأمراض الخطيرة اللي ممكن تصيبه، وده بيكون من خلال التخلي عن العادات الضارة، زي: التدخين والأكل غير الصحي.
ومن المهم إننا نهتم بأكل الأغذية الصحية والأكل المفيد للقلب والشرايين وتقيهم وحمايتهم من الأمراض.
التفاح الأحمر:
يساعد التفاح على تقليل خطر الإصابة بأمراض القلب؛ و ده علشان التفاح بيحتوي على مركبات مختلفة بتساعد على تحسين العوامل المرتبطة بصحة القلب، وبيحتوي التفاح على مركبات كيميائية نباتية بنسميها الكيرسيتين (بالإنجليزيّة: Quercetin)، واللي تمتلك خصائص طبيعية مضادة للالتهابات، وكمان بتساعد على تقليل خطر الجلطات الدموية، وبيحتوي التفاح بردو على الألياف القابلة للذوبان؛ واللي بتساعد على تقليل مستويات الكوليسترول الضار في الدم، بالإضافة للبوليفينولات اللي بتتميز بخصائصها المضادة للأكسدة.
التوتيات:
تعتبر التوتيات زي: الفراولة، والتوت البري، والتوت الأحمر مصدر غني بعناصر غذائية مهمة لصحة القلب، وكمان بتحتوي التوتيات على نسبة عالية من مضادات الأكسدة؛ زي الأنثوسيانين (بالإنجليزيّة: Anthocyanins)، واللي بيساعد على تقليل خطر حدوث الإجهاد التأكسدي والالتهابات اللي بتساهم في تطور أمراض القلب.
بذور الشيا وبذور الكتان:
تعتبر بذور الشيا وبذور الكتان مصدر غني بأحماض أوميجا-٣ الدهنية؛ وكمان حمض الألفا-لينولينيك، وبتساعد أحماض أوميجا-٣ لدهنيّة على تقليل مستويات الدهون الثلاثية والكوليسترول الضار في الدم، بالإضافة إلى خفض ضغط الدم، وتقليل تراكم اللويحات الدهنية جوه الشرايين، وكمان بتساعد على تقليل خطر الإصابة بالاضطرابات اللي بتؤدي إلى النوبات القلبية؛ زي الجلطة وعدم انتظام ضربات القلب.
المكسرات:
يعتبر أكل شوية من المكسرات بشكل يومي خيار كويس جدًّا لصحة القلب؛ و ده علشان بتحتوي على كتير من العناصر الغذائية المفيدة للجسم زي: الألياف الغذائية، والدهون المتعددة غير المشبعة، والبروتين، وكمان بتساعد المكسرات على إنك تحس بالشبع لفترة طويلة، و ده بيساعد على التقليل من أكل الوجبات السريعة والوجبات الخفيفة، واللي بتحتوي على نسبة عالية من الكربوهيدرات المكررة، وعلشان تستفيد بمجموعة متنوعة من العناصر المفيدة بننصحك إنك تاكل أنواع مختلفة من المكسرات.
الأفوكادو:
يعتبر الأفوكادو مصدر غني بالأحماض الدهنية الأحادية غير المشبعة، وكمان فيه فيتامينات، ومركبات كيميائية نباتية بتعمل كمضادات للأكسدة علشان تحمي القلب وأجزاء الجسم التانية، ده غير إنه بيساعد حمض الأوليك الموجود في الأفوكادو على تقليل الالتهابات في الجسم؛ وبالأخص القلب، وممكن نستخدم زيت الأفوكادو بأمان في الطبخ، و ده علشان الدهون الموجودة فيه، اللي بتشتغل كمقاوم للأكسدة الناتجة عن الحرارة
