الكلى من أهم الأعضاء في جسم الإنسان، وفي بعض الاكلات بتعزز من أداء الكلى، وفي أكلات تانية بتضغط عليها وتسببلها ضرر.
بتنضف الكلى الفضلات من الدم وتخرجها بره الجسم في البول. غير إنها مسؤولة عن موازنة مستويات السوائل في الجسم.
الكلى بتعمل المهام دي من غير أي مساعدة خارجية. ولكن كتير من الأمراض دي بتؤثر عليها ، زي مرض السكر وارتفاع ضغط الدم، وبتأثر على قدرتها على العمل.
أهم الأكلات لمرضى الكلى،:
التفاح:
التفاح مش بس مليان بمضادات الأكسدة والألياف الغذائية وفيتامين ج، ده كمان منخفض البوتاسيوم.
التوت الأزرق:
هي ثمار غنية بمضادات الأكسدة بتساعد على تقليل الالتهاب، وكمان التوت الأزرق ممكن يعزز وظائف الكلى ويدعم مستوى الجلوكوز.
القرنبيط:
القرنبيط هو خضار بيساعد على تعزيز قدرة الجسم على إزالة السموم، ومليان بالألياف وحمض الفوليك وفيتامين سي، وهي مغذيات بتساعد على التخلص من السموم، وتقليل الضغط على الكلى.
الفلفل الأحمر:
من المعروف إن الفلفل الأحمر من الخضروات المثالية الصديقة للكلى لانخفاض محتوى البوتاسيوم، لإن ارتفاع مستويات البوتاسيوم في الدم ممكن يخلي من الصعب على الكلى الأداء بصورة صحيحة، وبيؤدى لمرض مزمن في الكلى.
بيحتوى الفلفل الأحمر على مضادات الأكسدة القوية زي فيتامين C و A و B6 وغيرها من المواد الغذائية زي حمض الفوليك، والألياف واللى بتعتبر ضرورية لصحة الكلى.
زيت الزيتون:
زيت الزيتون مكون مضاد للالتهابات، وتشير الدراسات إنه بديل صحي للزيوت النباتية المكررة ، واللي ممكن تسبب مرض السكر وزيادة الوزن.
الثوم:
الثوم بيساعد على تعزيز صحة الكلى بسبب خصائصه المدرة للبول المذهلة.
بتساعد مدرات البول في التخلص من الصوديوم الزائد، والماء من الجسم عن طريق إجبار الكلى على طرد الصوديوم عن طريق التبول، بيحمي الثوم الكلى من الآثار الضارة المحتملة للمعادن الثقيلة زي الرصاص، وبيتمتع بالقدرة على تقليل الالتهابات ومكافحة العدوى وتطهير الجسم وخفض الكوليسترول فى الدم، وكمان بيعمل كمضاد حيوى طبيعي.
وظائف الكلى:
لازم الالتزام الأكلات الصحية لمرضى الكلى، علشان تقوم الكلى بوظائفها ومنها:
التخلص من السوائل والماء الزائدة الموجودة في الجسم بتحويلها لبول.
- تنقية وتنظيف الدم من المركبات السامة.
- الموازنة بين السوائل اللي بيحتوي عليها الجسم.
- إنتاج إنزيم الرينين اللي بيساعد على التحكم في ضغط الدم.
إفراز هرمون الإريثروبويتين اللي بيقوم بالمساعدة في إنتاج خلايا الدم الحمراء.
- تنشيط فيتامين د للحفاظ على عظام صحية.
- ضبط مستوى الأملاح، والمواد الكيميائية التانية للحفاظ على عمل الجسم.
