في أوقات كتير لما تفكر في بلد ما ، أول حاجة بتيجي في دماغك هي أطباقها المحلية.
منهم أكل مشهور جدًّا لدرجة إنهم تجاوزوا حدودهم المحلية وتم تخصيص أيام الأكل العالمية لتكريمهم. وفي المقال ده جمعنا لك قائمة بالعديد من أيام الأكل العالمية اللذيذة من جميع أنحاء العالم.
دلع نفسك بالأكل واعرف مواعيدهم من المقال ده وماتنساش إن دايمًا في سبب للاحتفال؛ خاصة لما يكون متعلق بالأكل!
في المقال ده هنتكلم عن أهم الأيام العالمية المرتبطة بالأكل في شهر يناير.
يوم الأطعمة الحارة – ١٦ يناير:
بيستخدم الناس التوابل الحارة في الوصفات في جميع أنحاء العالم من آلاف السنين.
فلفل كايين، على سبيل المثال ، هو أحد التوابل الأساسية المستخدمة في المأكولات التايلاندية والكاجونية والروسية ومأكولات التكس مكس.
اليوم ده معمول مخصوص للأكل الحار والفلفل الحار في العالم، والناس اللي بتحب الأكل الحار والمتهورين اللي بيجربوا أي حاجة حراقة علشان يعرفوا ممكن يتحملوا حرارة لحد إيه!
يوم الفطائر – ٢٣ يناير:
هنحتاج لأيام كتير في السنة لو عاوزين نخصص يوم لكل نوع أكل موجود.. بس لحسن الحظ الأكلات المهمة زي الفطير معموله يوم فعلا وهو ٢٣ يناير!
يعتبر يوم الفطير، فرصة رائعة للاحتفال بكل الحاجات الحلوة المتعلقة بالفطير، سواء فطير حلو، بالفاكهة، باللحمة، بالجبنة.. وغيره وغيره.
يوم النوتيلا – ٥ نوفمبر:
يمكن في كتير مايعرفوش، ولكن تم إنشاء اليوم العالمي للنوتيلا في الخامس من فبراير 2007 على إيد سارة روسو، وهي مدونة أمريكية من عشاق نوتيلا.
في رأيها، إن النوتيلا تستحق يوم عالمي ليها! وكل عشاق النوتيلا وافقوها على ده!
بدأوا الاحتفال بنوتيلا من خلال مشاركة الصور والأفكار والوصفات على وسائل التواصل الاجتماعي، وبكده بقى اليوم العالمي للنوتيلا ظاهرة عالمية.
يوم البيتزا – ٩ نوفمبر:
يوم البيتزا بدأ في القرن العاشر في نابولي بإيطاليا. الوقت ده بتظهر فيه السجلات لأول مرة وجود البيتزا.
بدأت البيتزا كعيش مسطح بسيط مع الصلصة وشوية جبنة. الستات عملوها كوجبة خفيفة إبداعية لعائلاتهم وماكنش عندهم أي فكرة إنهم ابتكروا وجبة هتبقى واحدة من أشهر الوجبات في العالم!
البيتزا أكلة موجودة في كل بيت في العالم وانتشرت محلاتها وعلامات تجارية كبيرة خاصة بيها، فكان لازم يبقى ليها يوم عالمي خاص بيها لوحدها!
