في أوقات كتير لما تفكر في بلد ما ، أول حاجة بتيجي في دماغك هي أطباقها المحلية.
منهم أكل مشهور جدًّا لدرجة إنهم تجاوزوا حدودهم المحلية وتم تخصيص أيام الأكل العالمية لتكريمهم. وفي المقال ده جمعنا لك قائمة بالعديد من أيام الأكل العالمية اللذيذة من جميع أنحاء العالم.
دلع نفسك بالأكل واعرف مواعيدهم من المقال ده وماتنساش إن دايمًا في سبب للاحتفال؛ خاصة لما يكون متعلق بالأكل!
في المقال ده هنتكلم عن أهم الأيام العالمية المرتبطة بالأكل في شهر مارس.
يوم كرات اللحم – ٩ مارس:
تم توثيق الاختراع اللذيذ ده في سجلات الطهي مرات كتيرة عبر التاريخ. في توثيث لوصفة صينية ممكن يعود تاريخها إلى سنة 221 قبل الميلاد، ويمكن لروما القديمة بردو تقديم مطالبة بحقهم في اختراع كرات اللحم بفضل كتاب طبخ موجود فيه مجموعة متنوعة من الوصفات مع كرات اللحم!
كانت كرات اللحم عنصر أساسي في المطبخ الفارسي ، واللي نشأت منها تقنية “التذهيب” (طلاء أو تزجيج كرات اللحم). واللي اتعرفت باسم الكفتة، وبتطبخ في جميع أنحاء الشرق الأوسط وآسيا، مع الأنواع النباتية الشائعة بشكل خاص في الهند، وفي بردو إصدار شائع في تركيا يسمى köfte ، واللي بيحتوي على كتير من الاختلافات.
على الرغم من إن كرات اللحم بدايتها كانت في الشرق وأوروبا، إلا إنها شقت طريقها في النهاية لأمريكا وبقت محبوبة هناك. و الأمريكان لقوا طرق جديدة ومبتكرة لأكل كرات اللحم؛ بما في ذلك البيتزا والسندويشات الطويلة (المعروفة باسم الغواصات).
يوم وجبات المدارس – ١١ مارس:
يوم احتفال بالأنشطة والتشجيع على أكل الأكل الصحي في المدرسة، ظهرت فكرة اليوم العالمي للوجبات المدرسية كوسيلة لزيادة الوعي بأهمية تعليم الأطفال قيمة الأكل في التعليم والثقافة، وأهمية التغذية الجيدة وربط الأطفال حول العالم لتعزيز عادات الأكل الصحية في المدرسة والبيت.
تم الاحتفال باليوم العالمي الأول للوجبات المدرسية في المملكة المتحدة والولايات المتحدة الأمريكية في مارس 2013. تقدر تعرف أكتر عن الموضوع ده من خلال موقع اليوم الدولي للوجبات المدرسية، واللي بيحتوي على شوية أمثلة على الموارد التعليمية.
يوم الوافل العالمي – ٢٥ مارس:
يوم الوافل العالمي هو تقليد بيتم الاحتفال بيه في السويد والنرويج والدنمارك في يوم ٢٥ مارس، واليوم ده ليه قصة غريبة جدًّا، هو إن كلمة “وافل” تشبه كلمة “Vårfrudagen”، واللي بتعني “عيد السيدة العذراء”، والعيد الديني ده تحول بشكل ما مع الوقت من “عيد السيدة العذراء” لليوم العالمي للوافلز!
بدأ يوم الوافل ينتشر بين البلاد، وحتى إن بعض البلاد حطوله أيام مختلفة وطنية.
بدأ تاريخ الوافل نفسه لما دخلت الفطائر للسويد، تقريبًا في أوائل القرن السابع عشر، وانتشرت بسرعة للأراضي اللي حوليها، وكانوا بياكلوه مع المربى والفاكهة اللي خلاهم يعتبروها تحلية ممكن ياكلوها في أي وقت في اليوم، واللي خلاهم يحتفلوا بيها في احتفال اسمه “Våffeldagen”، واللي كان قريب جدًّا من اسم العيد الديني ومع الوقت الاتنين اندمجوا في بعض.
