أشهر التوابل المستخدمة في المطبخ وفوائدها

كلنا بنستخدم التوابل يوميًّا تقريبًا، وطبعًا السبب الأساسي هو النكهة والطعم المميز اللي بتضيفه لأي أكلة.
بس اللي مش كلنا عارفينه إن التوابل والبهارات مليانة بالفوايد الصحية واللي كتير منها بيعتبر علاج طبيعي لإنها بتحتوي على خصائص غذائية كتيرة صعب يكون لها بديل في الأكل.
في أكثر من 100 نوع من التوابل المشهورة المستخدمة في الطبخ حول العالم. البهارات هي مصادر مركزة لمضادات الأكسدة، ودلوقتي هنعرفكم على أهم التوابل الصحية اللي بتضيف قيمة غذائية كبيرة ليك ولعيلتك.

القرفة:
القرفة بتيجي على رأس القائمة،  وبتستخدم في كل حاجة تقريبًا من اللاتيه للحمة المفرومة. القرفة حلوة جدًّا للأشخاص اللي بيعانوا من ارتفاع نسبة السكر في الدم. بتضيف طعم حلو للأكل من غير إضافة السكر، والدراسات بتشير لإنها ممكن تخفض مستويات السكر في الدم للأشخاص المصابين بمرض السكر من المرحلة التانية.
ده غير إنها  مهمة جدًّا لصحة القلب؛ لإنها بتخفض مستويات الكوليسترول والدهون الثلاثية في الدم. علشان كده بينصح بيها بشدة للأشخاص المصابين بمرض السكر، والمعرضين بشكل أكبر للإصابة بأمراض القلب.

القرفة مش بديل عن دواء السكر أو نظام غذائي ، لكنها ممكن تكون إضافة مفيدة لنمط حياة صحي.

الحبهان (الهيل):
الحبهان بيتميز بإنه بيساعد على تهدئة المعدة، ومكافحة الالتهابات، وبيحتوي على بعض المعادن اللي بيحتاجها الجسم؛ زي الزنك والمغنيسيوم.

لصحة الكلى: مفيد جدا للكلى، ومدر للبول، وبيخفض ضغط الدم، ومفيد لإزالة الكالسيوم واليوريا المتراكمة في الكلى، وبيساعد في علاج الالتهابات التناسلية والبولية.
لصحة الفم: مفيد لمشاكل الأسنان واللثة والالتهابات، وفعال في منع رائحة الفم الكريهة. ويساعد في تخفيف التهاب الحلق.
لصحة الجهاز التنفسي: الحبهان بيستخدموه من زمان كعلاج للربو والتهاب الشعب الهوائية، وبيساعد في طرد البلغم وتخفيف الصداع الناتج عن البرد، وبيساعد في السيطرة على ضغط الدم ومعدل ضربات القلب، وبيمنع أنواع معينة من السرطان وخاصة اللي مرتبطة بالهرمونات (زي سرطان الثدي وسرطان المبيض وسرطان البروستاتا)، وبيخفف من آلام العضلات والمفاصل ويقال أنه فعال في حالات التشنج.

الزعفران:
يعتبر الزعفران من أغلى التوابل في العالم . زهرة الزعفران الأصلية بتطلع في جنوب غرب آسيا، ده غير إن الزعفران فوايده  الصحية كتيرة زي:
– محاربة مرض الزهايمر وتحسين الذاكرة والتركيز.
– يمنع السرطان: بيحتوي الزعفران على خصائص بتمنع  تشكيل بعض الأورام، ومنع تكون الخلايا السرطانية في الجسم.
– بيحسن المزاج: من خصائصه إنه بيسبب الشعور بالفرح والسعادة.
– بيعزز صحة القلب ويحسن الدورة الدموية.
– لتجنب المضاعفات اللي ممكن  تؤدي للعمى وضعف الرؤية بسبب الشيخوخة.
– يساعد في علاج مشاكل الجهاز الهضمي وعلاج الربو.
– الجلد: بيستخدم الزعفران في كتير من الكريمات المضادة للشيخوخة، والمستحضرات، وصابون الاستحمام، والمرطبات، نظرًا لفوائدها المؤكدة للبشرة.

الكركم:
الكركم بيعتبر من أهم التوابل العلاجية، والهند هي أكبر منتج ليه في العالم. وخواصه اللي بتساعد على الشفاء موجودة فى الساق، وهو نفس الجزء اللي بيدي الأكل اللون والطعم.

فوائده:
يخفف من تورم وآلام المفاصل٬ وبيساعد في علاج التهاب وآلام المفاصل وبيقلل من التورم اللي بيصاحب التهاب المفاصل.

• بيقلل من خطر الإصابة بمرض الزهايمر، ويحسن من الذاكرة والتركيز.
• بيقلل من خطر السرطان وخاصة سرطان البروستاتا وسرطان الثدي والقولون والمستقيم وده بسبب خصائصه المضادة للأكسدة.
• يعزز المناعة: مفيد في تعزيز مناعة الجسم، وبيحتوي على خصائص شفائية؛ لأنه غني بالفيتامينات زي فيتامين C وفيتامين A وفيتامين B6.
•  معالج لمشاكل الهضم:  الكركم مفيد في تخفيف مشاكل الهضم. عسر الهضم، والإمساك، وفقدان الشهية، وآلام المعدة، و البواسير.
•  يساعد على حرق الدهون، وتحسين مظهر بشرتك، وعلى منع الآثار السلبية لمستحضرات التجميل.

الكمون:
أثبتت إحدى الدراسات إن أكل معلقة صغيرة من الكمون كل يوم بتساعد على حرق الدهون بالجسم، خصوصًا في حالة اتباع نظام غذائي؛ ده لاحتوائه على مستويات عالية من الحديد، اللي بيساعد في إنتاج خلايا الدم الحمراء، وبيقلل فرص الإصابة بالأنيميا.