المشروبات الساخنة تعتبر الحاجة المفضلة لمعظم الناس في فصل الشتاء، علشان بتحسسهم بالدفا وكمان بتمدهم بالطاقة، وبتتميز بسهولة تحضيرها في البيت وبساطة تكلفتها، وأكتر المشروبات الساخنة شعبية هي الشاي و القهوة، بالإضافة لكتير من الأنواع التانية اللي منها بيساعد على الاسترخاء والهدوء و منها اللي بيبقي علاج لبعض المشاكل الصحية.
شاي المتّة:
أصل الشاي ده بيرجع إلى أمريكا الجنوبية ، بيساعد على تهدئة الأعصاب، وبيحفز عملية التمثيل الغذائي، وتدفق الدم للعضلات.
يعتبر الشاي ده ملين خفيف للإمساك وكمان بيساعد على الهضم .. وبما إنه بيحتوي على مادة الكافيين؛ ده بيخليه يساعد على تقوية الدورة الدموية، وتنشيط الجسم والعقل.
البابونج:
البابونج بيعمل على تقوية جهاز المناعة ،وكمان بيرفع مستوى كريات الدم البيضاء في الدم، وبيقلل من الإصابة بالإلتهابات، ويعتبر البابونج مضاد لمرض السرطان.
البابونج بيساعد على معالجة مشاكل الهضم، وكمان بيقلل من الأمراض الجلدية، وبيقضي على آلام الدورة الشهرية عند السيدات، كمان بيقلل من الأرق، وبيعمل على الاسترخاء والهدوء.
الشعير:
يحمي من الإصابة بالسرطان، وكمان بيعمل على توازن ضغط الدم، وبيقلل من آلام العضلات، وكمان من فوائد المشروبات الساخنة اللي زي الشعير إنه بيخفف من التهابات المفاصل، وبيعمل على تعزيز عملية الهضم في الجسم، والتقليل من الغثيان والدوخة، وكمان بيساعد على التخلص من الغازات والانتفاخات.
اليانسون:
يعمل اليانسون على التقليل من آلام الروماتيزم ،وكمان بيسهل من عملية الهضم في الجسم، ويعتبر مقاوم فعال للإنفلونزا ، كما يعمل على التخلص من الالتهابات، ويعتبر مضاد للبكتيريا والفطريات في الجسم.
الكركديه:
يعتبر خافض طبيعي لضغط الدم المرتفع، وبردو بيعمل كمُدِر للبول، وبيساهم في خفض ضغط الدم.
وبيعمل على حماية القلب من المضاعفات، وبيحتوي على مواد مضادة للأكسدة بتساعد في خفض نسبة الكولسترول الضار ، و بالتالي حماية القلب والأوعية الدموية.
كمان بيعمل على حماية الكبد، و ده اللي أكدته الدراسات؛ إن مضادات الأكسدة الموجودة في الكركديه بتساعد الكبد على أداء وظائفه.
بيعمل الكركديه على إنقاص الآلام المصاحبة تصاحب الدورة الشهرية عند السيدات، وكمان بيساعد على ضبط توازن الهرمونات، و تقليل الأعراض التانية زي: التقلبات المزاجية، الاكتئاب وزيادة الشهية.
الكاكاو:
بيساعد على تحسين صحة الذاكرة، والقلب والحماية من الجلطات، وكمان بيساهم في علاج الخرف من خلال زيادة تدفق الدم والأكسجين إلى الدماغ، وبيعمل على تخفيض مستويات الكولسترول.
