يعتبر الأكل جزء مهم من أي احتفال في كل دول العالم، بغض النظر عن الثقافة أو الدين.
لإن الأكلات لها القدرة إنها توحّد وتقوّي الروابط بين الناس، لإنهم يقدروا يلاقوا كتير من الروابط المشتركة.
الدول المختلفة بتستخدم الأكل بطرق كتير للمساعدة في الاحتفال بالمناسبات الخاصة زي رأس السنة الجديدة وحفلات الزفاف وأعياد الميلاد.
اتعرف معانا على أشهر الأكلات اللي بتحتفل بيها البلاد في المناسبات:
– الكريسماس:
انتشر كتير من رموز الكريسماس، زي الأشجار وكروت التهنئة، ولكن كانت الأكلات التقليدية دايمًا
بتختلف من مجموعة للتانية، حسب الثقافة والمكونات المتوفرة، منها:
- فرنسا: المهلبية وبتكون عبارة عن نصين نص أبيض ونص أسود.
- كندا الفرنسية: الحلويات زي الكيك وفطيرة السكر.
- ألمانيا: بسكويت الزنجبيل وشوكولاتة ليكيور.
- نيكاراجوا: فراخ محشية بمجموعة من الفواكه والخضار منها الطماطم والبصل والبابايا.
- روسيا: وليمة من 12 طبق مختلف، بتمثل تلاميذ السيد المسيح.
– رأس السنة الجديدة:
أكلات السنة الجديدة التقليدية حول العالم هي:
- اليونان: فطيرة حلوة خاصة مخبوزة وبيكون جواها عملة معدنية. لو طلعتلك في قطعتك فده بيدل على الحظ الحلو.
- اليابان: حوالي 20 طبق بيتطبخوا وبيتحضروا قبل رأس السنة بأسبوع واحد. كل أكلة بتعبر عن أمنية العام الجديد زي: الأعشاب البحرية اللي بتعبر عن السعادة في السنة الجديدة.
- اسكتلندا: هاجيس (معدة الأغنام محشية بدقيق الشوفان)، وبسكويت الزنجبيل والكيك.
- إسبانيا: 12 حبة عنب، والمفروض إنها بتتاكل كل عنبة مع كل دقة من دقات الساعة.
– رأس السنة القمرية (في جنوب شرق آسيا):
في كتير من البلاد الآسيوية، السنة الجديدة مش بتبدأ في الأول (يناير)؛ ولكن مع اكتمال أول قمر في الشهر القمري الصيني الأول. ومن أشهر الأكلات دي:
- الصين: الأسماك وأبو فروة والأكلات المقلية.
- كوريا: شوربة الزلابية.
- فيتنام: كعك الأرز باللحم، وشوربة زعانف القرش.
– حفلات الأفراح:
تشترك الأفراح فى كل العالم في أرضية مشتركة. بغض النظر عن الدين أو الثقافة، فالأفراح هي احتفال مشترك للعائلتين بيبقى فيه تورتة الفرح والأكلات التقليدية. ومن الأكلات المشهورة اللي بتتقدم في الأفراح:
- الصين: دايمًا بيتقدم الأسماك والحمام والفراخ ونوع من العيش المحشي ببذور اللوتس.
- إندونيسيا: بتعتمد الأكلات اللي بتتقدم على المنطقة والدين، ولكن كل المناطق بتقدم أطباق الرز الحراقة زي ناسي جورينج أو ديم سوم أو السوشي وممكن تقديم الوصفات الغربية زي لحم البقر ويلينجتون.
- إيطاليا: يعتبر الأكل جزء مهم جدًّا من حفلات الأفراح الإيطالي. تعتبر الكوكيز اللي على شكل كرافتة مع رش السكر البودرة مرتبطة بالحظ السعيد. غالبًا بيكون اللحم الضاني المشوي هو الطبق الرئيسي، وطبعًا الباستا والفواكه. وبتتعمل كيكة الأفراح الإيطالية التقليدية مصنوعة من البسكويت.
- كوريا: بيتم تقديم المكرونة لإنها بتمثل طول العمر.
- النرويج: كيكة الأفراح بتكون مصنوعة من العيش المتغطي بالقشطة والجبنة والعسل.
